-
كلية التمريض تُعد من الكليات الحيوية والمطلوبة داخل مصر وخارجها، وخصوصًا بعد إلغاء اختبار القدرات والتوزيع الجغرافي، أصبحت الفرصة أكبر لطلاب الثانوية العامة للالتحاق بها. في هذا المقال، سنتعرف على نظام الدراسة في كلية التمريض، مستقبل التمريض في مصر، وظائف خريجي التمريض، ودبلومات التخصص بعد التخرج.
إلغاء اختبارات القدرات والتوزيع الجغرافي لكلية التمريض الخبر الأهم لطلاب الثانوية العامة 2025 هو:
إلغاء اختبار القدرات للالتحاق بكليات التمريض.
إلغاء التوزيع الجغرافي، ويمكنك التقديم لأي كلية تمريض في أي محافظة بشرط تحقيق المجموع المطلوب.
الغاء اختبارات القدرات لكليات التمريض اعتباراً من العام القادم.
الأول كان حتي لو جايب مجموع كليه تمريض كان لازم يتعملك اختبار القدرات ولو سقطت فيه مكنش ينفع تدخلها حتي لو جايب مجموعها ، وممكن واحد أقل منك في المجموع يدخلها وأنت لا ، دلوقتي اختبار القدرات اتلغي تماما ..
الغاء قواعد التوزيع الجغرافي لكليات تمريض.
الاول كان مينفعش تدخل كليه تمريض بره محافظتك ، يعني ممكن تكون جايب مجموع كليه تمريض في محافظة تاني ومينفعش تدخلها ، الكلام ده اتلغي تماما ولو مش جايب مجموع كليه تمريض في محافظتك ممكن تدخلها في محافظة تاني لو جايب مجموعها بس ده بيزود التنسيق في المحافظات
⬅️ هذه القرارات فتحت الفرصة أمام عدد كبير من الطلاب لدخول كلية التمريض دون عقبات إضافية.
🔗 مواضيع ذات صلة
جامعة سوهاج الأهلية 2025: دليل شامل ، كلياتها، مصروفاتها وفرصها الدراسية
كلية الزراعة 2025: دليل شامل للتنسيق والأقسام والمستقبل الوظيفي
كل ما تريد معرفته عن المعهد الفني الصحي أقسامه وظائفه مميزاته
كلية العلوم الصحية التطبيقية | الأقسام – التنسيق – مستقبل الخريجين
📍 كليات التمريض المتاحة في مصر
تمريض القاهرة
تمريض عين شمس
تمريض الإسكندرية
تمريض حلوان
تمريض بني سويف
تمريض أسيوط
تمريض سوهاج
تمريض المنيا
تمريض جنوب الوادي
تمريض قناة السويس
تمريض الفيوم
تمريض كفر الشيخ
تمريض مطروح
تمريض أسوان
تمريض بنها
👩⚕️ ما هي كلية التمريض؟ ومين ينفع يدخلها؟
كلية التمريض مش لأي حد مش بيحب المذاكرة. الكلية تحتاج مجهود مستمر وعملي يومي في المستشفى. لكن لو بتحب المجال الطبي وبتحب تساعد الناس، فالمكان ده ليك.
🏥 مدة الدراسة في كلية التمريض
4 سنوات دراسية + سنة امتياز
دراسة تجمع بين الجانب النظري والعملي
النزول للمستشفى والتعامل مع حالات واقعية جزء أساسي من البرنامج .
📘 المواد الدراسية في كلية التمريض :
تنقسم لمادتين أساسيتين:
مواد تمريضية مثل:
أساسيات تمريض (مادة أساسية طول الأربع سنين)
تمريض باطنة، جراحة، نساء، أطفال، طوارئ، رمد، عظام
مواد طبية مساعدة مثل:
الفارماكولوجي
البايو (الأحياء)
الفسيولوجي
التشريح
الميكروبيولوجي
الباراسيتولوجي
الهستولوجي
🏅 سنة الامتياز في التمريض :
هي سنة خامسة بدون دراسة، لكنها سنة تدريب عملي كامل داخل المستشفى، وبتتقاضى خلالها مكافأة شهرية.
ويمكن تأجيلها والبدء في العمل بمستشفيات خاصة مباشرةً.
📄 التكليف بعد التخرج :
بعد الانتهاء من سنة الامتياز:
يصلك جواب التعيين (التكليف)
تعمل في المستشفيات الحكومية كـ أخصائي تمريض
تكون مشرفًا على طاقم التمريض وليس فنيًّا فقط .
⚖️ الفرق بين خريج كلية التمريض والمعهد الفني :
خريج كلية التمريض = مشرف على طاقم التمريض
خريج المعهد = ضمن الطاقم
خريج الكلية بيدرس علمي دقيق ويكون مسؤول عن تشخيصات ومتابعة تنفيذ العلاج.
والفرق عموما بين التمريض والطب 
- انت بتستقبل المريض وتاخد منه history الي الدكتور بيقدر يشخص الحالة منها وبيوصف العلاج بعد كدا اخصائي التمريض بيراجع العلاج والتشخيص وبيقي مسؤول عن كل طقم المستشفى عشان كده لازم يبقي فاهم في كل تفصيله في الشغل عشان لو فيه غلط يقدر يلحقه ويحاسب الغلطان. الكلية مستقبلها كويس جدًا لانك بتتخرج و تشتغل علي طول وتتثبت في شغل تبع الحكومه دا غير انك ممكن تنزل تشتغل او تتدرب وانت بتدرس عادي في اي مستشفي خاصه .
🌍 مستقبل خريج كلية التمريض :
سوق العمل في مصر قوي جدًا
التعيين الحكومي مضمون
فرص العمل في المستشفيات الخاصة متاحة أثناء الدراسة
فرص السفر للخارج ممتازة، خصوصًا لدول الخليج وأوروبا .
🎓 الدراسات العليا بعد التخرج :
أولًا: الماجستير والدكتوراه :
متاح في كل التخصصات التمريضية
يشترط تقدير جيد على الأقل في مادة التخصص
ثانيًا: الزمالات :
مدة الزمالة: من سنتين إلى ٣ سنوات
زمالة المعلوماتية الصحية (IT داخل المستشفى)
زمالة الإرواء القلبي (في عمليات القلب المفتوح)
زمالات الأطفال – التخدير (متاحة خارج مصر حاليًا)
ثالثًا: الدبلومات المهنية :
دبلومة تمريض عسكري: للعمل بمستشفيات القوات المسلحة
دبلومة الجودة: لتصبح أخصائي جودة بدون تعامل مع المرضى
دبلومة الإدارة: تُمكنك من التدرج إلى مناصب مثل رئيس قسم أو مدير مستشفى
دبلومة مكافحة العدوى: مسؤول عن تطبيق سياسات النظافة وسلامة المرضى .
✈️ هل يمكن السفر بعد كلية التمريض؟
نعم، التمريض مطلوب عالميًا، وخريج الكلية له أولوية في التقديم والسفر مقارنة بخريج المعهد أو المدرسة.
💡التمريض رسالة إنسانية قبل أن تكون مهنة :
التمريض مش مجرد شغل، هو مهنة إنسانية عظيمة، فيها دعاء من كل مريض ساعدته، وابتسامة من كل حالة ساهمت في شفائها.
لو قررت تدخل المجال ده، لازم تكون فاهم إنك بتخدم الناس بكرامة ومسؤولية كبيرة.
✅ خلاصة القول :
كلية التمريض مش سهلة، لكنها ليست مستحيلة، الطريق فيها واضح والمستقبل مضمون بإذن الله، من تعيين حكومي، لفرص دراسات عليا، وحتى إمكانية السفر والعمل في الخارج.